हरिहरेश्वर महाराष्ट्र राज्यामधील रायगड जिह्यातील श्रीवर्धन तालुक्यातील अरबी समुद्राच्या बाजूला असलेले “दक्षिण काशी ” म्हणून ओळखले जाणारे हरिहरेश्वर हे कोकणातील अग्रगण्य तीर्थक्षेत्र व पर्यटक केंद्र आहे. मुंबई पुण्यापासून चार तासांचे अंतरावर, दरवर्षी लाखो भाविक या पर्यटक हरिहरेश्वर मंदिर व मंदिरासमोर असणाऱ्या समुद्र किनारा (बीच) ला भेट देत असतात. मुख्य मंदिर हरिहरेश्वर (ब्रम्हा, विष्णू, महेश आणि पार्वती ) असे संयुक्त ठिकाण आहे. तसेच कालभैरव योगेश्वरीचे मंदिर आहे. त्याच प्रमाणे हरिहरेश्वर मंदिरात गणपतीचे स्थान आहे. खूप लोकांचे हरिहरेश्वर हे कुलदैवत आहे. जशी मंदिरात चार स्थाने आहेत त्याप्रमाणे ब्रम्हा, विष्णू, महेश आणि पार्वती असे चार डोंगर सुद्धा आहेत . मंदिरांच्या पाठीमागून परिक्रमा मार्ग आहे. सदरची परिक्रमा समुद्राचे बाजूने आहे. मंदिर व बीच ह्या दोन कारणांसाठी लाखो पर्यटक हरिहरेश्वरला भेट देत असतात. सदरचे चे ठिकाण हे शांत असलेमुळे शांततेत राहण्यारासाठीही काही लोक आवर्जून येत असतात. त्याच बरोबर धार्मिक कार्यासाठी, शांती करणेसाठी हे ठिकाण प्रसिद्ध आहे. हरिहरेश्वर मध्ये दरवर्षी अनेक उत्सव साजरे केले जातात तसेच हरिहरेश्वर पासून जवळच्या अंतरावर देखील मंदिर व बीचेस आहेत.